UNIVERSITY OF MICHIGAN MUSEUM OF ZOOLOGY
Home > Research > PolyCone Project > Maimiimiraa i Makemo
Atopa/Novema 2023 – Maimiimiraa i Makemo, taamotu Tuamotu
[Huriraa reo tahiti/Huriraa reo farani/Huriraa reo marite]
Ua tere mai te tahi mau mero o te opuaraa maimiraa PolyCone i Makemo, i te avae atopa e novema 2023, o Alessandra Shea, Sebastien Dutertre, Diana Vergara e o Tom Duda. Ua haaputu ratou i te tahi mau huru ia e te tahi mau pupu rarahi amu pupu nainai no te afai atu i te piha faaofaaraa pupu i te CRIOBE i Moorea. Maoti te tutae, te vahi io e te mau huero i roaa mai, ua hiopoa ratou i te numera o te rahiraa pupu e vai nei i teie fenua. Na teie mau hiopoaraa e faaite mai te maa ta ratou e amu. E ite atoa hia te mau huru pupu e ofaa pinepine nei. E faaite atoa mai teie mau hiopoaraa i te mau huru pupu taae roa. Tei te pae tatahi e i roto i te tairoto no Makemo te mau hiopoaraa te rave raa hia (a taumi i o nei no te pata i te hohoa fenua Google Maps o tera vahi).
I tahatai, e vahi one anae anoihia i te remu tei hiopoahia. E mea varavara roa te mau remu rarahi i o. E fatiraa miti te aau piri, e are, raro ae i te 1 metera i te teitei, e hue mai (a hio i te hohoa patahia i nia ae). E vahi taae roa teie vahi no te mea, rave rahi mau ofai, mau toatoa e te ona na roto haere i te mau apoopoo e i nia i te aau piri. Te papa noa tei itehia ia paapaa anae. Rave rahi mau pupu i itehia i raro ae i te mau ofai hua e i raro ae atoa i te mau pehu, raro ae i te 0,5 metera hohonu : te Conus catus, Conus coffeae, Conus retifer e te Conus tulipa. Te pupu rahi ae ra i nia i te papa, o te Conus ebraeus, te Conus sponsalis ia, e tae noa atu i te tahi atu mau huru pupu.
I roto i te tairoto, i te mau vahi hiopoahia, e mea oneone noa. Te vai atoa ra te tahi mau vahi papa e te tahi mau pua. Nehenehe e parau, aita e remu faito rarahi e itehia nei. No te rahiraa o te mau pupu, mea huru rarahi ae tera i tatahi e e mea iti ra to ratou numera i te mau pupu itehia i roto i te tairoto, hoe a ia huru e to Rangiroa. Te mea taae ra ia faaauhia ia Rangiroa, e mea varavara roa te mau pupu i roto i te tairoto. I nia i te hohoa i raro ae, ua patahia te vahi i reira te ite raa hia te mau pupu Conus ebraeus rarahi, noa atu to ratou varavara. No te Conus leopardus, e mea rahi ia o ratou i roto i tera faito hohonu 1-3 metera i roto i te tairoto.
Ua taio te pupu maimi i te rahiraa pupu i roto i te hoe hoa (a taumi i o nei no te pata i te hohoa fenua Google Maps o tera vahi). Teie ta ratou i ite, ia nuu anae atu oe na roto i te hoa, mai te tairoto haere atu ai i te pae moana, e mea rarahi ae te mau pupu, area to ratou rahiraa, e iti mai ia. I raro ae, ua patahia te pae roto (i nia) e te pae moana (i raro).
Ua roaa i te pupu maimi hau i te 3 800 pupu. Te rahiraa o ratou (80%), e pupu ta te mau taata e matau noa i te ite (Conus sponsalis e Conus ebraeus). Ua rave atoa ratou hau i te hanere rahiraa tutae e vahi io. Ua roaa atoa mai 30 rahiraa huero ia ratou, te tahi o ratou, aita e io pupu. Maoti teie mau huero, e nehenehe te mau pupu maimi e hiopoa i te atinu (ADN) no te faataa i te huru o te pupu i ofaa.
Mauruuru roa i te mau mero o te aporaa oire no Makemo e i te huiraatira ; Lucien Ragivaru no Pouheva ; Christophe Brocherieux no te Faatereraa Hau o te Arutaimareva no Porinetia Farani ; Tamatoa Bambridge, Serge Planes, Beatrice Tanseau e Tiphanie Francois no te pu CRIOBE ; Ben Hess e Taehwan Lee no te UM ; Fabrice, Veena, Alec, Veronica e te utuafare Hello no Makemo tei rohi tuatava na muri ia mautou no teie opuaraa
E hoi i nia roa